കോഴിക്കോട്: കാലിക്കറ്റ് യൂനിവേഴ്സിറ്റിക്ക് കീഴിലെ കോളജുകളിലെ യൂനിയന്‍ തെരഞ്ഞെടുപ്പില്‍ എസ്.ഐ.ഒ ശ്രദ്ധേയമായ വിജയം നേടി. വിവിധ കോളജുകളിലായി മൂന്ന് യൂനിയനുകളും മുപ്പതോളം ജനറല്‍ സീറ്റുകളും അസോസിയേഷനുകളും എസ്.ഐ.ഒവിന് ലഭിച്ചു. മത്സരിച്ച ഭൂരിഭാഗം കോളജുകളിലും എസ്.ഐ.ഒ രണ്ടാംസ്ഥാനത്തെത്തി. കോഴിക്കോട് ഫാറൂഖ് കോളജ്, മുക്കം ഐ.എച്ച്.ആര്‍.ഡി, കൊടുവള്ളി കെ.എം.ഒ, എം.ഇ.എസ് മമ്പാട്,എം.ഇ.എസ് പൊന്നാനി, സഫ എടയൂര്‍, പി.എസ്്.എം.ഒ കോളജ്, അസ്മാബി കോളജ് തൃശൂര്‍, ക്രൈസ്റ്റ് കോളജ് പാലക്കാട് എന്നിവിടങ്ങളിലാണ് എസ്.ഐ.ഒവിന് തിളക്കമാര്‍ന്ന വിജയം ലഭിച്ചത്. ആദര്‍ശ മുന്നേറ്റങ്ങള്‍ക്ക് ഇടമുണ്ടെന്നതിന്‍െറ തെളിവാണ് എസ്.ഐ.ഒവിന് വിദ്യാര്‍ഥികള്‍ നല്‍കിയ അംഗീകാരമെന്ന് എസ്.ഐ.ഒ സംസ്ഥാന പ്രസിഡന്‍റ് ശിഹാബ് പൂക്കോട്ടൂര്‍ പറഞ്ഞു.കോഴിക്കോട്: തെരഞ്ഞെടുപ്പില്‍ എസ്.ഐ.ഒ മൂന്ന് ജനറല്‍ സീറ്റുകളും മൂന്ന് അസോസിയേഷനും നേടി. ഫാറൂഖ് കോളജില്‍ വൈസ് ചെയര്‍മാനും പ്രൊവിഡന്‍സ് വനിത കോളജില്‍ യു.യു.സി, മുക്കം ഐ.എച്ച്.ആര്‍.ഡി കോളജില്‍ മാഗസിന്‍ എഡിറ്റര്‍ സ്ഥാനങ്ങളില്‍ യഥാക്രമം അമല്‍ അബ്ദുറഹ്മാന്‍, മുഫീദ, റിസ്വാന്‍ എന്നിവര്‍ വിജയിച്ചു. ഫാറൂഖ് കോളജിലെ ബോട്ടണി, സുവോളജി അസോസിയേഷനും കൊടുവള്ളി കെ.എം.ഒ കോളജിലെ ഇംഗ്ളീഷ് അസോസിയേഷനിലും വിജയിച്ചതായി എസ്.ഐ.ഒ അറിയിച്ചു.
മലപ്പുറം: തെരഞ്ഞെടുപ്പില്‍ 16 ജനറല്‍ സീറ്റുകളും അഞ്ച് അസോസിയേഷനുകളും 11 ക്ളാസ് പ്രതിനിധികളും ഉള്‍പ്പെടെ 32 സീറ്റുകളില്‍ എസ്.ഐ.ഒ വിജയിച്ചതായി ജില്ലാ കമ്മിറ്റി അറിയിച്ചു. പൊന്നാനി എം.ഇ.എസ്, മമ്പാട് എം.ഇ.എസ്, രാമപുരം ജെംസ്, പൂക്കാട്ടീരി സഫ എന്നിവിടങ്ങളിലാണ് എസ്.ഐ.ഒ കോളജ് യൂനിയനില്‍ പ്രാതിനിധ്യം നേടിയത്. കൈയൂക്കിന്‍െറ രാഷ്ട്രീയത്തെ നിശ്ചയദാര്‍ഢ്യംകൊണ്ട് ചെറുത്ത് മികച്ച മുന്നേറ്റം നടത്തിയതായി ജില്ലാ പ്രസിഡന്‍റ് സഫീര്‍ഷാ പറഞ്ഞു. ആള്‍ക്കൂട്ട രാഷ്ട്രീയത്തിനെതിരെ കരുത്തുറ്റ മൂല്യബോധമുള്ള വിദ്യാര്‍ഥി രാഷ്ട്രീയത്തെ അംഗീകരിക്കാന്‍ കാമ്പസുകള്‍ പാകപ്പെടുന്നതിന്‍െറ സൂചനകള്‍ തെരഞ്ഞെടുപ്പില്‍ പ്രതിഫലിച്ചതായും ജില്ലാ സെക്രട്ടേറിയറ്റ് അഭിപ്രായപ്പെട്ടു. ജനറല്‍ സെക്രട്ടറി ഫാഇസ് കൊടിഞ്ഞി, അമീന്‍ മോങ്ങം, സുലൈമാന്‍ വേങ്ങര, അബ്ദുല്‍ ബാസിത്ത്, തഹ്യുദ്ദീന്‍, ജുമൈല്‍, ജലീസ്, ജസീം, ജലീല്‍ എന്നിവര്‍ സംസാരിച്ചു.
No comments:
Post a Comment