Friday, September 30, 2011

കുസാറ്റ് യൂണിയന്‍ ഇലക്ഷന്‍: എസ്.ഐ.ഒവിന് ചരിത്ര വിജയം

കുസാറ്റ് യൂണിയന്‍ ഇലക്ഷന്‍: എസ്.ഐ.ഒവിന് ചരിത്ര വിജയം

കൊച്ചി: ഇരുപത് വര്‍ഷങ്ങള്‍ക്കു ശേഷം കുസാറ്റില്‍ നടന്ന സ്റ്റുഡന്റ് യൂണിയന്‍ ഇലക്ഷനില്‍ എസ്.ഐ.ഒ ചരിത്ര വിജയം നേടി. ഇരുപത് സീറ്റുകളിലേക്ക് നടന്ന മല്‍സരത്തില്‍ അഞ്ച് സീറ്റുകളിലേക്ക് എസ്.ഐ.ഒ പ്രതിനിധികള്‍ തെരെഞ്ഞെടുക്കപ്പെട്ടു. മല്‍സരിച്ച മുഴുവന്‍ സീറ്റുകളിലും കടുത്ത മല്‍സരം കാഴ്ച്ചവെക്കാനും എസ്.ഐ.ഒവിന് സാധിച്ചു. സിദ്ധാര്‍ഥ്, സാബിര്‍ അബ്ദുല്ല, ഫാരിസ് സഹ്ര്‍, അസ്ഹര്‍, സഹീം എന്നിവരാണ് യൂണിയന്‍ കൗണ്‍സിലര്‍മാരായി തെരെഞ്ഞെടുക്കപ്പെട്ടത്. വിജയികളെ എസ്.ഐ.ഒ സംസ്ഥാന പ്രസിഡന്റ് ശിഹാബ് പൂക്കോട്ടൂര്‍ അഭിനന്ദിച്ചു. ഇടത് വിദ്യാര്‍ഥി സംഘടനകളുടെ ഫാഷിസ്റ്റ് വാഴ്ച്ച നിലനില്‍ക്കുന്ന കുസാറ്റില്‍ എസ്.ഐ.ഒ നേടിയ ജനാധിപത്യ വിജയം ശ്രദ്ധേയമാണെന്ന് അദ്ദേഹം സൂചിപ്പിച്ചു. കേരളത്തിലെ കാമ്പസുകളില്‍ ശക്തിപ്പെടുന്ന നവജനാധിപത്യ വിദ്യാര്‍ഥി രാഷ്ട്രീയത്തിന്റെ പ്രതീക്ഷാര്‍ഹമായ സൂചനകളാണിത്. കാമ്പസുകളിലെ സര്‍ഗ്ഗാത്മക ജനാധിപത്യ പോരാട്ടങ്ങള്‍ക്ക് ഈ വിജയം കരുത്ത് പകരുമെന്നും അദ്ദേഹം പറഞ്ഞു.

No comments:

Post a Comment

LinkWithin

Related Posts Plugin for WordPress, Blogger...